गुल्मी रुरुक्षेत्र गाउँपालिका-६ को अध्यक्षमा नेकपाको उम्मेदवार तय
<p>गुल्मी। आउँदो १४ मंसीरमा हुने उपनिर्वाचनमा रुरुक्षेत्र गाउँपालिका–६ रिमुवामा अध्यक्ष पदका लागि नेकपाले गिरीप्रसाद सिंजालीको नाम सर्वसम्मत चयन गरेको छ।</p>
<p>सिंजाली सोही वडाका वडा सदस्य छन्। उनलाई वडा सदस्य पदबाट राजीनामा गराई वडाध्यक्ष पदमा उम्मेदवार बनाइने नेकपा गुल्मीका सचिव वीरबहादुर कार्कीले जानकारी दिए।</p>
<p>पूर्व एमालेबाट निर्वाचित अध्यक्ष पूर्णबहादुर रेग्मीको १३ साउन २०७५ मा निधन भएकाले यस वडामा उपनिर्वाचन गर्न लागिएको हो।</p>
<p>नेपाली कांग्रेसका जिल्ला सभापति भुवनप्रसाद श्रेष्ठले सो वडामा अध्यक्षको उम्मेदवारको नाम केही दिनमा चयन गरिने बताएका छन्। <em>रासस</em><br />
</p>
प्रतिक्रिया दिनुहोस्
.jpg)
