प्रधानमन्त्री ओली र नेकपा अध्यक्ष दाहालबीच भेटवार्ता
<p>काठमाडौँ। नेपाल कम्युनिष्ट पार्टीका अध्यक्ष तथा प्रधानमन्त्री केपी शर्मा ओली र अर्का अध्यक्ष पुष्पकमल दाहालबीच भेटवार्ता भएको छ। </p>
<p>आज विहान प्रधानमन्त्री निवास बालुवाटारमा करीब एक घण्टा ओली र दाहालबीच भेटवार्ता भएको प्रधानमन्त्री निकट स्रोतले <em><strong>देखापढी</strong></em>लाई जानकारी दिएका छन्।</p>
<p>१४ मंसिरको उपनिवार्चनलाई केन्द्रमा राखेर दुई अध्यक्षबीच भेटवार्ता भएको स्रोतको दाबी रहेको छ। पछिल्लो केही समययता दुई अध्यक्षको सम्बन्धमा खटपट भएको चर्चाबीच उनीहरूको एक्लाएक्लै भेटवार्ता भएको हो।</p>
<p>भेटमा अध्यक्षद्वयले अब छिट्टै सचिवालय बैठक डाक्ने विषयमा पनि छलफल गरेका छन् । स्रोतका अनुसार दुई अध्यक्षबीच फाटो ल्याउने हिसाबले सञ्चारमाध्यममा अनावश्यक सूचना दिन नहुने, उपनिर्वाचनका लागि उम्मेदवार टुंगो लगाउने र सरकारका काम कारबाहीका बारेमा पार्टीमा छलफल गर्ने विषयमा पनि उनीबीच छलफल भएको छ । </p>
प्रतिक्रिया दिनुहोस्
.jpg)
