राष्ट्रपति म्यानमार प्रस्थान, शीतल निवासदेखि विमानस्थलसम्म हेलिकप्टरमा
<p>काठमाडौं । राष्ट्रपति विद्यादेवी भण्डारी राजकीय भ्रमणका लागि म्यानमार प्रस्थान गरेकी छन् । </p>
<p>राष्ट्रपति ऊ विन मिन्टको निमन्त्रणामा राष्ट्रपति भण्डारी पाँच दिने राजकीय भ्रमणका लागि म्यानमार प्रस्थान गरेकी हुन् । </p>
<p>राष्ट्रपति भण्डारीको साथमा परराष्ट्रमन्त्री प्रदीपकुमार ज्ञवाली, परराष्ट्र सचिव शंकरदाश वैरागी लगायत पनि छन् । </p>
<p>भण्डारी ३ कात्तिकमा स्वदेश फर्कने कार्यक्रम तय भएको छ । </p>
<p>म्यानमार जाँदा राष्ट्रपतिले शीतल निवासदेखि त्रिभुवन अन्तर्राष्ट्रिय विमानस्थलसम्म हेलिकप्टर प्रयोग गरेकी छन् । </p>
<p>नेपाली सेनाका प्रवक्ता विज्ञानदेव पाण्डेका अनुसार सर्वसाधारणलाई ट्राफिक समस्याबाट मुक्त राख्न हेलिकप्टरको प्रयोग गरिएको हो । </p>
<p style="text-align:center"><img alt="" height="540" src="https://www.dekhapadhi.com/storage/photos/shares/Politics/bhandari_airport1.jpg" width="960" /></p>
<p><br />
</p>
प्रतिक्रिया दिनुहोस्
.jpg)
