भेडेटारको जंगलमा डढेलो, १८ घण्टा बित्दासम्म नियन्त्रणमा आएन
<p>धरान। धरान उपमहानगरपालिकाको साँगुरीगढी गाउँपालिका-६, भेडेटारको जंगलमा अहिले डढेलो लागिरहेको छ।</p>
<p>गयरातिदेखि कोल्बोटे क्षेत्रबाट पाथिभरा सामुदायिक जंगलमा लागेको आगोले वस्तीमा जोखिम बढेपछि स्थानीय त्रसित बनेका छन्।</p>
<p>नेपाल प्रहरी, सशस्त्र प्रहरी, नेपाली सेना र स्थानीयवासी दिनभर आगो निभाउन लागे पनि नियन्त्रणमा नआएको भेडेटार प्रहरी चौकीका इन्चार्ज प्रहरी नायव निरीक्षक यदुकुमार खड्काले <em>देखापढी</em>लाई बताए।</p>
<p style="text-align:center"><img alt="" height="900" src="https://www.dekhapadhi.com/storage/photos/shares/Social/wildfire dharan1.jpg" width="1200" /></p>
<p>“हामीले घरहरू र होटलहरूमा आउन सक्ने सम्भावनालाई ध्यानमा राखेर अग्निरेखा त कोर्‍यौँ। अहिले रात पर्‍यो आगो निभ्ने छाँट छैन, अब भोलि बिहानदेखि फेरि शुरू गर्छौं”, खड्काले भने।</p>
<p>कार्की छापमुनि कोल्बोटे क्षेत्रबाट शुरू भएको डढेलो भेडेटारमा रहेको पाथीभरा मन्दिरनजिक आइपुगेको छ।</p>
<p>जंगलमा खरबारी भएको र चैतको सुख्खा मौसम भएकाले ठूलो क्षेत्रमा आगो छिटो फैलिएको प्रहरीले बताएको छ।</p>
प्रतिक्रिया दिनुहोस्
.jpg)
