दिवेश पोखरेल अमेरिकन आइडलको उत्कृष्ट २० मा
<p>काठमाडौं। अमेरिकी गायन रियालिटी शो अमेरिकन आइडलको १८ औं संस्करणमा नेपालका दिवेश पोखरेलले दमदार प्रस्तुती दिइरहेका छन्। अडिसन राउन्डबाटै अद्वितीय कलाकारको संज्ञा पाएका दिवेश उत्कृष्‍ट २० मा परेका छन्। </p>
<p>अर्थर गनका नामले चिनिएका दिवेशले स्टेजमा बब मार्लीको 'इज दिस लभ' बोलको गीत गाएका थिए। उक्त गीतले निर्णायकको मन जित्यो। दर्शकदीर्घाबाट ताली र हुटिङ चलिरहेको थियो भने निर्णायकहरूले तारिफ गर्दै एकदम मन परेको प्रतिक्रिया दिएका थिए। कार्यक्रममा उनको परिवार पनि उपस्थित थियो। </p>
<p>काठमाडौंमा जन्मेर पाँच वर्षदेखि अमेरिकामा बस्दै आएका दिवेशलाई निर्णायकले फरक परिचय बनिसकेको भन्दै प्रशंसा गरेका थिए। </p>
<p>अमेरिकन आइडलमा सुरुवातदेखि नै उनी निर्णायक एवं दर्शकको मन जित्‍न सफल भइरहेका छन्। </p>
<p>सानो हुँदादेखि नै संगीतप्रति आकर्षित भएका उनले पहिलो गितार आफ्नी आमामार्फत् पाएका थिए। त्यही गितार हातमा लिएर रेडियो, टिभीमा बजेका गीतहरू बजाउन थालेका थिए।</p>
प्रतिक्रिया दिनुहोस्
.jpg)
