डोटीमा गोली हानेर महिलाको हत्या
<p>कैलाली। डोटीको जोरायल गाउँपालिका- ४ देउथलामा गोली हानेर एक महिलाको हत्या गरिएको छ।</p>
<p>स्थानीय २० वर्षीया अनिता वनको हिजो, २३ चैत साँझ ५ बजेतिर गोली प्रहारबाट हत्या गरिएको अवस्थामा घरमै शव फेला परेको जिल्ला प्रहरी कार्यालय डोटीका प्रमुख प्रहरी उपरीक्षक दिलिपसिं देउवाले बताए।</p>
<p>घटना भएको समय घरमा मृतक महिला र उनका पति खडक वन मात्र रहेको बताउँदै देउवाले हत्यामा संलग्नको आशंकामा पतिलाई पक्राउ गरिएको जानकारी दिएका छन्।</p>
<p>एक महीनाअघि फेसबुकको माध्यमबाट उनीहरूले प्रेम गरेर विवाह बताईएको छ।</p>
<p>प्रहरीले घटनास्थलबाट भरुवा बन्दुक समेत बरामद गरेको छ।</p>
प्रतिक्रिया दिनुहोस्
.jpg)
