अछाममा चितुवाकाे आक्रमणबाट महिला घाइते
<p>कैलाली। चितुवाकाे आक्रमणबाट अछाम कमलबजार नगरपालिका-५, कंकलाकी बेला भण्डारी (६८) घाइते भएकी छन्।</p>
<p>आज बिहान साढे ६ बजेतिर गोठमा बाख्रा कराएपछि हेर्न पुगेकी भण्डारीलाई चितुवाले आक्रमण गरी घाइते बनाएको जिल्ला प्रहरी कार्यालय अछामका प्रहरी नायव उपरीक्षक दीपक भारतीले जानकारी दिए।</p>
<p>“उहाँहरूले बाघले आक्रमण गरेकाे हाे भन्नु भएकाे छ, गाउँमा चितुवालाई पनि बाघ भन्दिन्छन्”, उनले भने, “हामीले पनि देख्ने कुरा भएन, बाघ सकभर गाउँतिर आउँदैन, त्यसैले चितुवाले आक्रमण गरेकाे अनुमान गरेका छाै‌ं।”</p>
<p>उनले घाइते भण्डारीलाई उपचारको लागि नेपाली सेनाको हेलिकप्टरबाट नेपालगञ्ज लगिएको बताए। टाउको र हातमा चोट लागेको भण्डारीको स्थानीय विनायक स्वास्थ्यचौकीमा सामान्य उपचारपछि नेपालगन्ज पठाइएको प्रहरी नायव उपरीक्षक भारतीले बताए।</p>
प्रतिक्रिया दिनुहोस्
.jpg)
