झापा र चितवनमा आगलागीबाट पाँच घर जले
<p>कनकाइ। झापाको कनकाई नगरपालिका क्षेत्रअन्तर्गतको कनकाई सामुदायिक वन हाताभित्र रहेको सुकुम्वासी बस्तीमा आगलागी हुँदा तीन घर जलेर नष्ट भएका छन्।</p>
<p>हिजो, २२ चैत बेलुका भएको आगलागीबाट झकडबहादुर दर्जीको खाली घर, अमृता श्रेष्ठ र ठाकुरसिंह राईको घर जलेर पूर्णरूपमा नष्ट भएको हो।</p>
<p>इलाका प्रहरी कार्यालयका अनुसार शनिबार राईको घरबाट आगलागी शुरु भएको थियो ।</p>
<p>दमक नगरपालिकाको दमकल, कनकाई सामुदायिक वनको खानेपानी ट्याङ्की र स्थानीयवासीको पहलमा आगो निभाइएको थिय ।</p>
<p>त्यस्तै चितवन इच्छाकमना गाउँपालिका-६ तुन्तेषमा कुलबहादुर घर्ती र चन्द्रबहादुर घर्तीको घर पनि हिजै अपरान्ह आगलागीबाट जलेको छ।</p>
<p>घरमा रहेको सोलार सर्ट भएर आगो सल्केको स्थानीय यामबहादुर गुरुङले जानकारी दिए। <em>रासस</em></p>
प्रतिक्रिया दिनुहोस्
.jpg)
