पद्मश्री साहित्य पुरस्कार र पद्मश्री साधना सम्मान प्रदान
<p>काठमाडौं। दुईसय भन्दा बढी शोधलेखका साथसाथै ६ वटा पुस्तक प्रकाशित गरेका नेपाली भाषा, संस्कृति, इतिहासका अन्वेषक इतिहासकार तथा संस्कृतज्ञ डा.महेशराज पन्तलाई २०७५को पद्मश्री साधना सम्मान आज अर्पण गरिएको छ। </p>
<p>त्यस्तै निबन्धकार रमेश सायनको संस्मरणात्मक निबन्धको संग्रह ‘छुटेका अनुहार’लाई पद्मश्री साहित्य पुरस्कार प्रदान गरिएको छ।</p>
<p>खेमलाल हरिकला लामिछाने समाज कल्याण प्रतिष्ठानले आज धुम्बाराहीस्थित अकामी होटेलमा कार्यक्रम आयोजना गरि दुई लाख रुपैयाँ राशीसहितको पद्मश्री साहित्य पुरस्कार र पद्मश्री साधना सम्मान प्रदान गरेको हो। </p>
<p>२०६३ सालदेखि खेमलाल हरिकला लामिछाने प्रतिष्ठानले नेपाली साहित्यका वर्षभरि प्रकाशित पुस्तकमध्ये निर्णायक मण्डलले उत्कृष्ट ठहर्‍याएको पुस्तकलाई प्रत्येक वर्ष पद्मश्री साहित्य पुरस्कार प्रदान गर्दै आएको छ।</p>
<p>त्यसैगरी २०६७ सालदेखि प्रतिष्ठानले साहित्य, कला, सङ्गीत, अभिनय आदि क्षेत्रमा दीर्घ साधना गर्ने वरिष्ठ साधकलाई पद्मश्री साधना सम्मान दिँदै आएको छ।</p>
प्रतिक्रिया दिनुहोस्
.jpg)
