रुघाखोकीले बाजुराकाे पुडाबाब्ला गाउँ प्रभावित
<p>बाजुरा। खप्तड छेडेदह गाउँपालिका-३, पुडाबाब्लामा रुघाखोकीको संक्रमण फैलिएकाे छ।</p>
<p>साता दिनदेखि फैलिएको रुघाखोकीको संक्रमणले पुडाबाब्लाका ३०० बढी परिवारका सदस्य बिरामी परेका छन्।</p>
<p>एक घरका दुईदेखि पाँचजनासम्म रुघाखोकी र ज्वरोको प्रकोपका कारण बिरामी परेको वडाध्यक्ष दीपक रावतले बताए।</p>
<p>सामान्य खोकी लाग्ने, ज्वरो आउने, रिंँगटा लाग्ने, खान मन नलाग्ने र शरीर थकित हुने जस्ता लक्षण बिरामीमा देखिएको स्वास्थ्यकर्मी गणेश रावतले बताए।</p>
<p>कोरोनाको लक्षण हो कि भन्ने आशंकामा पनि गाउँ त्रसित छ। तर, मौसमी परिवर्तनका कारण रुघाखोकीको प्रकोप देखिएकाले डराउनुपर्ने अवस्था नरहेको गाउँपालिकाका स्वास्थ्य संयोजक नन्दबहादुर रावतले बताए। <em>रासस</em></p>
प्रतिक्रिया दिनुहोस्
.jpg)
