घाँटी रेटिएको अवस्थामा महिलाको शव भेटियो
<p style="text-align:justify">काठमाडौं। भक्तपुरको ठिमी नगरपालिका–३ गठ्ठाघरस्थित हनुमन्ते खोलामा अन्दाजी ३० वर्षीय महिलाको घाँटी रेटिएको अवस्थामा शव भेटिएको छ। </p>
<p style="text-align:justify">हत्याको आशंका गरिएकी ती महिलाको पहिचान हुन सकेकाे छैन। महानगरीय प्रहरी वृत ठिमीका प्रमुख, डीएसपी शान्ति कोइरालाले महिलाको पहिचान हुन नसकेको बताए।</p>
<p style="text-align:justify">“मृतक महिलाको शव करीब दुईसाता भन्दा अघिको जस्तो देखिन्छ”, उनले भने, “अहिले हामी शवको पहिचान गर्ने काममा केन्द्रित छौँ।” </p>
<p style="text-align:justify">प्रहरीले शव पोष्टमार्टम र फरेन्सिक जाँचका लागि त्रिवि शिक्षण अस्पताल महाराजगञ्जमा राखेको छ। </p>
<p style="text-align:justify">प्रहरीले वृतमा कुनै महिला हराएको वा वेपत्ता भएका विषयमा परेका निवेदनमा पनि छानबिन गरिरहेको छ। </p>
<p style="text-align:justify">नीलो रङको सुरुवाल र कलेजी रङको कुर्ता लगाइएको अवस्थामा शव भेटिएको हो।</p>
<p style="text-align:justify">घटनाको अपराध महाशाखाको टोलीले पनि अनुसन्धानमा सहयोग गरिरहेको छ। प्रहरीले अन्यत्रै हत्या गरी त्यहाँ ल्याएर फालिएको हुन सक्ने अनुमान समेत गरेको छ। </p>
<p style="text-align:justify">डीएसपी कोइरालाले घटनास्थलबाट प्रहरीले प्लाष्टिक, झोला, बोरा लगायतका सामग्री बरामद गरेको बताए।</p>
<p style="text-align:justify">बरामद भएका सामानको पनि फरेन्सिक परीक्षण गरिने र घटनाको गहन रूपमा अनुसन्धान भइरहेको उनले बताए। </p>
.jpg)
