साइकलमा घर हिँडेका दुई भारतीयको ललितपुर झाक्रीडाँडामा भीरबाट खसेर मृत्यु
<p>काठमाडौं। साईकलसहित भीरबाट खसेर ललितपुरको बागमती गाउँपालिका-३ झाक्रीडाँडामा दुई भारतीय नागरिकको मृत्यु भएको छ।</p>
<p>मृत्यु हुनेमा भारतको मोथिहारी घर भई ललितपुरको गोदावरी नगरपालिका- १० टाहाखेलमा कवाडी सामान संकलनको काम गर्ने २० वर्षीय मुकेश सुनार र २८ वर्षीय सन्तोष महत्तो छन्।<br />
<br />
लकडाउनका समयमा साईकलमै घरतर्फ गइरहेका उनीहरू हिजो, १७ चैतमा भीरबाट करीब २५० मिटर तल खसेको महानगरीय प्रहरी वृत चापागाउँका डीएसपी कृष्णराज ओझाले जानकारी दिए।</p>
<p>मृतक दुवैजनाको शव पाटन अस्पतालमा पोष्टमार्टम गरेर परिवारको जिम्मा लगाइएको छ।</p>
प्रतिक्रिया दिनुहोस्
.jpg)
