सशस्त्र प्रहरीले नदी किनारमा दुई युवकलाई कुटपिट गरेको भिडिओ भाइरल (भिडिओसहित)
<p>काठमाडौं। सशस्त्र प्रहरीका एक जवानले नदी किनार बीचमा सामान बोकेका दुईजना युवालाई कुटपिट गरेको भिडिओ यतिखेर सामाजिक संजालमा भाइरल बनेको छ।</p>
<p>उक्त भिडिओ कहाँको भन्ने खुलिसकेको छैन। तर, ती दुई कुटिएका युवक मजदुरी गरेर फर्किरहेका देखिन्छन्। उनीहरुको साथमा सामान पनि छ।</p>
<p>सशस्त्र प्रहरीका ती कर्मचारीले पहिले एकजना युवकलाई लाठीले पिटेका छन्।</p>
<p>पछि दुवैजनालाई घोप्टो पर्न लगाएर ढाडमा कुटपिट गरेका छन्। कान समात्न लगाएर उनीहरूलाई नदी किनारको बालुवामा घिस्रिन लगाएर कठोर यातना समेत दिइएको भिडिओमा देखिन्छ।</p>
<p>सशस्त्र प्रहरी बलका प्रवक्ता प्रविणकुमार श्रेष्ठले उक्त भिडिओ प्रदेश २ को जिल्लाको रहेको भन्दै ती कर्मचारीलाई विभागीय कारबाही प्रक्रिया अघि बढाइने बताए।</p>
<p>"भिडियो हेरेपछि हाम्रो ध्यानाकर्षण भइसकेको छ। ती कर्मचारीलाई विभागीय कारबाही थाल्छौं", श्रेष्ठले <em>देखापढी</em>सँग भने।</p>
<p>उनले मानवअधिकारको संरक्षणमा सश्स्त्र प्रहरी सचेत रहेको भन्दै अमानवीय क्रियाकलाप गर्ने संगठनको नीति नरहेको बताए।</p>
<p>हेर्नुहोस् भिडिओ:-</p>
<p> </p>
<p><iframe align="middle" frameborder="1" height="400" scrolling="no" src="https://www.facebook.com/plugins/video.php?href=https%3A%2F%2Fwww.facebook.com%2F100024291465112%2Fvideos%2F639651660187877%2F&show_text=0&width=264" style="border:none;overflow:hidden" width="264"></iframe></p>
प्रतिक्रिया दिनुहोस्
.jpg)
