प्रहरी कार्यालयभित्रै हतियार पड्केर हवल्दारको मृत्यु
<p>काठमाडौं। स्याङ्जाको हरिनाश गाउँपालिका-२ मा रहेको इलाका प्रहरी कार्यालय चिसापानीमा कार्यरत ३५ वर्षीय प्रहरी हवल्दार रविन्द्र पौडलको मृत्यु भएको छ।</p>
<p>हतियार व्यवस्थापन कक्षमा अचानक पड्केर गोली लागेका पौडलको उपचारका लागि पोखरा पुर्‍याउने क्रममा बाटोमा नै मृत्यु भएको जिल्ला प्रहरी कार्यालय स्याङ्जाले जनाएको छ।</p>
<p>आज दिउँसो उक्त घटना भएको हो। पोखरा महानगरपालिका-२६ घर भएका पौडेल स्टोरमा काम गरिरहेका समयमा अचानक गोली लागेर ढलेका थिए।</p>
<p>जिल्ला प्रहरी कार्यालयले हतियार व्यवस्थापन गर्ने क्रममा पड्केर मृत्यु भएको बताए पनि घटनाको यथार्थ जानकारी बाहिर ल्याएको छैन।</p>
<p>मृतकको शव पोखरास्थित अस्पतालमा राखिएको छ। जिल्ला प्रहरी कार्यालयबाट टोली पपठाए घटनाबारे अनुसन्धान अघि बढाइएको प्रहरीले जनाएको छ।</p>
प्रतिक्रिया दिनुहोस्
.jpg)
