निजी तथा दुई पाङ्ग्रे सवारीसाधन संचालनमा रोक नलगाइने, निजी गाडीमा यात्रु ओसारे कारबाही
<p>काठमाडौं। सरकारले आजदेखि लागू हुने गरी देशैभर लामो दूरीका सार्वजनिक सवारीसाधन संचालन बन्द गरेको छ।</p>
<p>ट्राफिक प्रहरी महाशाखा काठमाडौंका प्रवक्ता एसपी जीवनकुमार श्रेष्‍ठका अनुसार निजी तथा मोटरसाइकल, स्कुटरजस्ता दुई पाङ्ग्रे सवारी साधन भने निर्वाध रूपमा चल्न दिइनेछ।</p>
<p>तर, कसैले निजी गाडीबाट भाडा असुलेर यात्रु बोकेको थाहा पाए कारबाही गरिने उनले जानकारी दिए।</p>
<p>"हामीले काठमाडौं उपत्यकाबाट बाहिर जाने र बाहिरबाट यहाँ भित्रिने यात्रुवाहक सवारी साधन पूर्ण रूपमा बन्द गरेका छौं", श्रेष्‍ठले <em>देखापढी</em>सँग भने।</p>
<p><img alt="" height="640" src="https://www.dekhapadhi.com/storage/photos/shares/_RAB3494 copy.jpg" width="960" /></p>
<p>आज मन्त्रालयमा बैठक बसेर लामो दूरी कतिलाई मान्ने भन्नेबारे निर्णय गरिँदैछ।</p>
<p>कोरोना भाइरस संक्रमणको सम्भावित जोखिमलाई ध्यान दिँदै सरकारले लामो दूरीको सवारीसाधन, अन्तर्राष्‍ट्रिय हवाई उडानहरू बन्द गर्ने निर्णय गरेको थियो।</p>
<p>काठमाडौं उपत्यकाभन्दा बाहिर एक जिल्लाबाट अर्को जिल्लामा पनि सार्वजनिक गाडी संचालन बन्द गरिएको ट्राफिक प्रहरीले बताएको छ।</p>
<p>सवारीसाधन बन्द हुने निर्णयसँगै उपत्यकाबाट बाहिरिने यात्रुको संख्या अघिल्ला केही दिनको तुलनामा पछिल्लो दिनमा ह्वात्तै बढेको छ।</p>
<p>ट्राफिकका अनुसार हिजो, ९ चैतमा मात्र ३८ हजार ४३८ सवारीसाधनबाट दुई लाख ६१ हजार १९३ जना यात्रु काठमाडौं उपत्यकाबाट बाहिरिएका छन्।</p>
<p><img alt="" height="640" src="https://www.dekhapadhi.com/storage/photos/shares/_RAB3544 copy.jpg" width="960" /></p>
प्रतिक्रिया दिनुहोस्
.jpg)
