आँबुखैरेनीमा मिनिबस दुर्घटना हुँदा तीनजनाको मृत्यु
<p>काठमाडौं। तनहुँको आँबुखैरेनीमा आज मिनी बस दुर्घटना हुँदा तीनजनाको घटनास्थलमै मृत्यु भएको छ।</p>
<p>पोखरा-दाङ चल्ने ना ५ ख ४२९४ नम्बरको मिनिबस साँझ सवा ६ बजे आँबुखैरेनी-२, ऐनापहरास्थित मर्स्याङ्दी नदी किनारमा खसेको हो।</p>
<p>मृतककाे सनाखत भइसकेकाे छैन। १० जना घाइतेकाे उद्धार गरिएकाे छ। घाइतेमध्ये तीनजनाकाे अवस्था गम्भीर रहेकाे जिल्ला प्रहरी कार्यालय तनहुँका प्रहरी निरीक्षक शिवराज क्षेत्रीले जानकारी दिए।</p>
<p>उनका अनुसार केही घाइते चितवन पठाइएकाे छ भने केहीकाे स्थानीय अस्पतालमा उपचार भइरहेकाे छ। दुर्घटनाकाे कारण खुल्न नसकेकाे उनले बताए।</p>
<p>“अँध्यारो भएकाे र पानी परेकाले उद्धारमा कठिनाइ भएको छ”, उनले भने। बसमा २५-३० यात्रु रहेकाे प्रहरीकाे अनुमान छ।</p>
<p>बस सडकबाट करीब २०० मिटर तल खसेको तनहुँ प्रहरीले जनाएको छ।</p>
प्रतिक्रिया दिनुहोस्
.jpg)
