कैलालीको गोदावरीमा विस्फोट हुँदा एकको मृत्यु
<p>काठमाडौं। कैलालीको गोदावरी नगरपालिका-४ फूलबस्तीमा विस्फोट हुँदा एकजनाको मृत्यु भएको छ।</p>
<p>कैलालीका प्रहरी प्रमुख एसपी सुदिप गिरीले अन्दाजी ४० वर्षीय नरबहादुर विकको मृत्यु भएको बताए।</p>
<p>दाउरा लिन जंगल गएका विकले तामाको जस्तो देखिने वस्तु घरमा ल्याएर जलाउन खोज्दा विस्फोट भएर उनको घटनास्थलमै मृत्यु भएको गिरीले जानकारी दिए।</p>
<p>“विस्फोट भएर मृत्यु भएको खबर आएको छ। हाम्रो टोली घट्नास्थलतर्फ गइसकेको छ’, उनले <em>देखापढी</em>सँग भने, “ घटनाको विस्तृत विवरण टोली नपुगी भन्ने अवस्था छैन। तर, बमजस्तो देखिने बस्तु हो भन्ने आएको छ।"<br />
अहिले इलाका प्रहरी कार्यालय मालाखेतीबाट प्रहरी नायव उपरीक्षक ज्ञानबहादुर विष्टको नेतृत्वमा प्रहरी टोली घटनास्थल पठाइएको छ।</p>
<p>घटनास्थल अत्तरियाबाट करीब १० किलोमिटर उत्तर पहाडी क्षेत्रमा पर्दछ।</p>
प्रतिक्रिया दिनुहोस्
.jpg)
