इटहरीमा मुसहरहरूका लागि सामूहिक आवास निर्माण शुरू
<p>इटहरी। इटहरी उपमहानगरपालिका-१६ टिहिटीमा मुसहर समुदायका लागि सामूहिक आवास निर्माण शुरू गरिएको छ।</p>
<p>सामूहिक आवास कार्यक्रम अन्तर्गत विपन्‍न मुसहर वस्तीको वडा नं. १६ टिहिटि टोलमा विपन्न मुसहरवस्तीको भवन निर्माण थालिएको हो।</p>
<p>इटहरी उपमहानगरपालिकाका मेयर द्वारिकलाल चौधरीले सामूहिक आवास निर्माणको शिलान्यास गरेका छन्।</p>
<p>५० वटा घरहरु निर्माण गर्ने गरी डेढ विगाहा जग्गा तयारी र नक्सांकन गरिएको उपमहानगरपालिकाले जनाएको छ।</p>
<p>चालु आर्थिक वर्षमा नौ वटा घर निर्माण हुने छन्। </p>
<p>यस वर्ष निर्माण हुने घरका लागि तराइ मधेश समृद्धि कार्यक्रमअन्तर्गत संघीय सरकारको ७० लाख र उपमहानगरपालिकाको सात लाख रूपैयाँ विनियोजन गरिएको छ।</p>
<p>आवासमा भित्री सडक, बाल उद्यन, सामुदायिक भवन निर्माण गरिने छ।</p>
प्रतिक्रिया दिनुहोस्
.jpg)
