प्रविधिमैत्री प्रहरी सेवामा प्रदेश सरकार जिम्मेवार छ- मुख्यमन्त्री राउत
<p>जनकपुरधाम। प्रदेश २ का मुख्यमन्त्री लालबाबु राउतले प्रहरी सेवालाई प्रभावकारी बनाउन प्रविधि र स्रोतसाधनयुक्त बनाउनुपर्ने बताएका छन्। त्यसका लागि प्रदेश सरकारले जिम्मेवार भएर काम गर्ने आश्‍वासन दिए।</p>
<p>६४ औँ प्रहरी दिवसको अवसरमा प्रदेश २ प्रहरी कार्यालयले जनकपुरधाम आयोजना गरेको समारोहमा बोल्दै पुरानै कार्यशैलीबाट शान्तिसुरक्षा कायम राख्‍न नसकिने बताए।</p>
<p>प्रहरीभित्रको विकृति र कमजोरीले कहिं कतै अनुसन्धान कार्य प्रभावित भएको भन्दै राउतले इमान्दारीका साथ जिम्मेवारी बहन गर्न आग्रह गरेका छन्। </p>
<p>आन्तरिक मामिला र कानूनमन्त्री ज्ञानेन्द्रकुमार यादवले सङ्घीय संरचना अनुरूप प्रहरी ऐन निर्माण गर्न आवश्यक रहेको बताए।</p>
<p>प्रहरीको क्षमता अभिवृद्धि, वृत्ति विकास, समयसापेक्ष कार्य सम्पादन योग्य बनाउन सरकार गम्भीर रहेको यादवले बताए। </p>
<p>समारोहमा प्रहरी नायब महानिरीक्षक प्रद्युम्नकुमार कार्कीले प्रदेशभरि भएका प्रहरी गतिविधिको जानकारी गराएका थिए। </p>
<p><strong>उदयपुरमा ९ जना प्रहरी सम्मानित</strong></p>
<p>यस्तै उदयपुर जिल्ला प्रहरी कार्यालयले लागुऔषध नियन्त्रण, फरार अभियोगीलाई पक्राउ र महिला हिंसा तथा बालबालिकाको संरक्षणका लागि जनचेतना जगाउन राम्राे काम गरेकाेमा प्रहरी अधिकृत तथा जवानहरुलाई सम्मान गरेको छ।</p>
<p>सम्मानित हुनेहरूमा प्रहरी निरीक्षक ज्ञानबहादुर माझी, प्रहरी नायब निरीक्षक इन्द्रदेव यादव, प्रहरी सहायक निरीक्षकद्वय गङ्गाराम राई र उमाकुमारी गुरुङ, प्रहरी हवल्दार महादेव राई, ट्राफिक प्रहरीद्वय भेषबहादुर थापा र नन्दकुमार यादव छन्। प्रहरी जवानहरु लालबहादुर विक र अनिस कार्कीलाई पनि पुरस्कृत गरिएको छ। </p>
<p>प्रहरी दिवसको अवसरमा आयोजना गरिएको कार्यक्रममा अमर प्रहरीका परिवारहरुलाई पनि सम्मान गरिएको छ। </p>
प्रतिक्रिया दिनुहोस्
.jpg)
