निर्भया सामूहिक बलात्कार र हत्याका चारै जना दोषीलाई फाँसी दिइयो
<p>काठमाडौं। निर्भया सामूहिक बलात्कार तथा हत्यामा दोषी ठहरिएका चारै जनालाई आज बिहान भारतमा फाँसी दिएको छ।</p>
<p>बलात्कारमा संलग्‍न अक्षयकुमार सिंह, पवन गुप्ता, विनय शर्मा र मुकेश सिंहलाइ दिल्लीको तिहाड जेलमा आज बिहान साढे ५ बजे मृत्युदण्ड दिइएको भारतीय संचारमाध्यमहरूले जनाएका छन्।</p>
<p>दोषीहरूलाई मृत्युदण्ड दिएसँगै निर्भयाकी आमाले न्यायको जित भएको बताएकी छन्।</p>
<p>भारतको राजधानी नयाँदिल्लीमा १६ डिसेम्बर २०१२ मा २३ वर्षकी मेडिकल विद्यार्थीलाई ६ जना पुरुषले एउटा बसमा बलात्कार गरेका थिए।</p>
<p>६ जनामध्ये एक राम सिंहले तिहाड जेलमै रहँदा आत्महत्या गरेका थिए।</p>
<p>अर्का एक जना नाबालिग भएका हुँदा उनलाई सन् २०१३ मै सुधारगृह पठाइएको थियो।</p>
<p>उनी तीन वर्षपछि रिहा भइ अहिले एउटा च्यारिटी संस्थाको संरक्षणमा रहेका छन्।</p>
प्रतिक्रिया दिनुहोस्
.jpg)
