कास्की अदालतका श्रेस्तेदार तीस हजार घुससहित पक्राउ
<p>काठमाडौं। कास्की जिल्ला अदालतका श्रेस्तेदार लोकनाथ पराजुली घुस रकमसहित पक्राउ परेका छन्।</p>
<p>अख्तियार दुरुपयोग अनुसन्धान आयोगको टोलीले गएराति मुद्दाका एक पक्षसँग ३० हजार घुस लिइरहेको अवस्थामा पराजुलीलाई पोखरा-५ पस्र्याङस्थित एक पसलबाट पक्राउ गरेको हो।</p>
<p>आयोगका सूचना अधिकारी मेघनाथ रिजालले श्रेस्तेदार पराजुलीलाई एक मदिरा पसलबाट अख्तियारको टोलीले घुस रकमसहित नियन्त्रणमा लिएको पुष्टि गर्दै उनीमाथि थप अनुसन्धान भइरहेको बताए।</p>
<p>संगठित अपराधसम्बन्धी मुद्दामा पक्राउ परेका अभियुक्तको गाडी छुटाइदिने भन्दै श्रेष्तेदार पराजुलीले घुस मागेको बताइएको छ।</p>
<p>शुरूमा ५० हजार मागेका उनले बार्गेनिङ गरेर ३० हजारमा कुरा मिलाएर सो रकम बुझेको स्रोतले जनाएको छ।</p>
<p>उनी सर्वोच्च अदालतमा भर्खरै सरुवा भइसकेको बताइएको छ। <em>रासस</em></p>
प्रतिक्रिया दिनुहोस्
.jpg)
