नेकपा अध्यक्ष दाहाललाई जुत्ता प्रहार गर्ने रतन तिरूवा रिहा
<p>काठमाडाैं। नेपाल कम्युनिष्ट पार्टी (नेकपा) अध्यक्ष एवं पूर्वप्रधानमन्त्री पुष्पकमल दाहाललाई जुत्ता प्रहार गर्ने रतन तिरूवा रिहा भएका छन्।</p>
<p>जिल्ला प्रशासन कार्यालय काठमाडौंका प्रमुख जिल्ला अधिकारी जनकराज दाहालको इजलासले उनलाई ५०० धरौटीमा रिहा गर्न आदेश गरेको थियो।</p>
<p>उनी धरौटी बुझाएर रिहा भएको प्रमुख जिल्ला अधिकारी दाहालले जानकारी दिए।</p>
<p>१८ फागुनमा काठमाडौंको राष्ट्रिय सभागृहमा आयोजित कार्यक्रममा दाहाललाई तिरूवाले जुत्ता प्रहार गरेका थिए।</p>
<p>प्रहरीले उनलाई हिरासतमा राखेर अभद्र व्यवहारमा मुद्दा चलाएको थियो।</p>
प्रतिक्रिया दिनुहोस्
.jpg)
