तनहुँमा ५१ विद्यार्थी एसईई परीक्षाबाट वञ्चित
<p>तनहुँ। ६ चैतदेखि हुने एसईई परीक्षामा तनहुँका ५१ विद्यार्थी परीक्षा दिनबाट वञ्चित भएका छन्।</p>
<p>विभिन्न विद्यालयका गरी छात्रा ३४ र छात्र १७ गरी ५१ विद्यार्थी परीक्षा दिनबाट वञ्चित भएका हुन्।</p>
<p>परीक्षा दिन फारम भरेर बीचैमा विद्यालय आउन छाडेका, कोही बिहे भई गएका र कोही रोजगारीको सिलसिलामा विदेशिएका कारण उनीहरू परीक्षा दिनबाट वञ्चित भएका शिक्षा विकास तथा समन्वय इकाइ परीक्षा शाखाका प्रमुख विश्वप्रकाश रेग्मीले जानकारी दिए।</p>
<p>उनका अनुसार सामुदायिक विद्यालयतर्फका ११६ विद्यालयबाट दुई हजार ५२१ छात्रा, दुई हजार २२५ छात्र गरी चार हजार ७४६ र संस्थागत विद्यालयतर्फका ५८ विद्यालयबाट ६११ छात्रा र ८७३ छात्र गरी एक हजार ४८४ गरी कूल छ हजार २३० विद्यार्थी यस परीक्षामा सामेल हुने भएका छन्। जसमा छात्रातर्फ तीन हजार १३२ र छात्रतर्फ तीन हजार ९८ छन्।</p>
<p>गत वर्ष जिल्लामा छ हजार २९१ विद्यार्थीले परीक्षा दिएका थिए। गत वर्षको तुलनामा यस वर्ष ६१ विद्यार्थी कम छन्।</p>
प्रतिक्रिया दिनुहोस्
.jpg)
