Others

गृहपृष्ठ

एसईई परीक्षा : सुदूरपश्‍चिममा ५४ हजार ५३७ जना विद्यार्थी सहभागी हुँदै कैलाली। भोलि, ६ चैतदेखि शुरू हुने यसवर्षको माध्यमिक शिक्षा परीक्षा (एसईई) मा सुदूरपश्चिमबाट ५४ हजार ५३७ जना विद्यार्थीहरू सहभागी हुँदै छन्। ६-१७ चैतमा निर्धारण गरीएको परीक्षामा नियमित, ग्रेडवृद्धि र प्राविधिक धारका गरी यी परीक्षार्थी सहभागी हुने भएका शिक्षा विकास निर्देशनालय दिपायलले जनाएको छ।   सुदूरपश्चिम प्रदेशका सहभागी परीक्षार्थीमध्ये २६ हजार १४२ छात्र र २८ हजार ३९५ छात्रा छन्। तीमध्ये नियमिततर्फ ५० हजार ६४८, ग्रेडवृद्धितर्फ दुई हजार ८६२ र प्राविधिकतर्फ एक हजार २७ जना विद्यार्थीले परीक्षा दिने भएका हुन्। निर्देशनालयका शाखा अधिकृत शंकरदत्त जोशीले कैलाली, कंचनपुर, डोटी, डडेल्धुरा, अछाम, बैतडी, दार्चुला, बझाङ र बाजुराका जिल्लामा परीक्षाको सम्पूर्ण तयारी पूरा भएको बताए। उनका अनुसार यसवर्ष सबैभन्दा बढी कैलालीबाट १६ हजार ५६९ र सबैभन्दा कम डडेल्धुराबाट दुई हजार चारजना परीक्षार्थी सामेल हुँदैछन्। प्रदेशभरी २११ परीक्षा केन्द्रहरु निर्धारण गरीएको छ। व्यवस्थापनको लागि सामाजिक विकास मन्त्रालय र शिक्षा विकास तथा समन्वय एकाइले परीक्षा समन्वय समिति गठन गरी केन्द्राध्यक्षको नियुक्ति गरीसकिएको जोशीले जानकारी दिए। परीक्षामा सहभागी हुने विद्यालयहरूमा सुदूरपश्&zwj;चिमको नौ जिल्लाका ७७८ सामुदायिक र १९७ संस्थागत गरी ९७५ वटा विद्यालय छन्। व्यवस्थापन, संचालन, अनुगमन, उत्तरपुस्तिका खरीदलगायतका एसईई परीक्षाको सम्पूर्ण काम प्रदेश सरकारले नै गरेको छ। प्रत्येक परीक्षा केन्द्रमा १५ जना सुरक्षाकर्मी राख्&zwj;नेगरी तीन हजार १६५ सुरक्षाकर्मी खटाइएको छ। जिल्ला अनुसार सहभागी हुने परीक्षार्थी:- १. कैलाली नियमिततर्फ सात हजार ४६६ छात्र र छ हजार ४०९ छात्रा गरी कूल १५ हजार ९०५ जना छन्। ग्रेडवृद्धितर्फ १३९ छात्र र २७३ छात्रा गरी कूल ४१२ जना सहभागी हुनेछन्। त्यस्तै, प्राविधिक धारतर्फ १६९ छात्र र ८३ छात्रा गरी २५२ जना छन्। २. कंचनपुर नियमिततर्फ चार हजार ४१३ छात्र र पाँच हजार १४७ छात्रा गरी कूल ९ हजार ५६० जना। ग्रेडवृद्धितर्फ १८० छात्र र ३२८ छात्रा गरी कूल ५०८ जना। प्राविधिक धारतर्फ ९३ छात्र र ६७ छात्रा गरी १६० जना रहेका छन्। ३.डोटी नियमिततर्फ एक हजार ५६४ छात्र र एक हजार ४४० छात्रा गरी तीन हजार ४ जना। ग्रेडवृद्धितर्फ ६० छात्र र ३१ छात्रा गरी ९१ जना। प्राविधिक धारतर्फ ५० छात्र र ३६ छात्रा गरी ८६ जना। ४. डडेल्धुरा नियमिततर्फ कूल दुई हजार ८३ मध्ये  ९८६ छात्र र एक हजार ९७ छात्रा। ग्रेडवृद्धितर्फ कूल १९८ जनामा ६९ छात्र र १२९ छात्रा। प्राविधिक धारतर्फ कूल ११९ मध्ये ७८ छात्र र ४१ छात्रा। ५. अछाम नियमिततर्फ दुई हजार ४५ छात्र र दुई हजार ३०७ छात्रासमेत कूल चार हजार ३५२ जना। ग्रेडवृद्धितर्फ १२५ छात्र र १४५ छात्रा गरी कूल २७० जना। प्राविधिक धारतर्फ ८१ छात्र र २८ छात्रा गरी १०९ जना। ६. बैतडी नियमिततर्फ दुई हजार ५५३ छात्र र दुई हजार ६४५ छात्रा गरी कूल पाँच हजार १९८ जना। ग्रेडवृद्धितर्फ १७७ छात्र र १२२ छात्रा गरी कूल २९९ जना। प्राविधिक धारतर्फ ८९ छात्र र ३२ छात्रा गरी १२१ जना। ७. दार्चुला नियमिततर्फ एक हजार ४३६ छात्र र एक हजार ५७६ छात्रा गरी कूल तीन हजार १२ जना। ग्रेडवृद्धितर्फ १८५ छात्र र २६० छात्रा गरी कूल ४४५ जना। प्राविधिक धारतर्फ ३६ छात्र र १२ छात्रा गरी ४८ जना। ८. बझाङ नियमिततर्फ दुई हजार ३८७ छात्र र दुई हजार ३१५ छात्रा गरी कूल चार हजार ७०२ जना। ग्रेडवृद्धितर्फ ९८ छात्र र ९६ छात्रा गरी कूल १९४ जना। प्राविधिक धारतर्फ ४५ छात्र र ४८ छात्रा गरी ९३ जना। ९. बाजुरा नियमिततर्फ एक हजार ४०७ छात्र र एक हजार ४२५ छात्रा गरी कूल दुई हजार ८३२ जना। ् ग्रेडवृद्धितर्फ ९८ छात्र र ९६ छात्रा गरी कूल १९४ जना। प्राविधिक धारतर्फ १९३ छात्र र २६० छात्रा गरी ४५३ जना।

प्रतिक्रिया दिनुहोस्