सर्पको टोकाइबाट १ जनाको मृत्यु, १ घाइते
<p>दाङ। सर्पले डसेर दाङमा एक जनाको मृत्यु भएको छ। अर्का एक जना घाइते भएका छन्। </p>
<p>जिल्ला प्रहरी कार्यालय दाङका अनुसार घोराही उपमहानगरपालिका-१० झारबैराका ३५ वर्षीय बुद्धिराम चौधरीको डुमिनी नामक सर्पले डस्दा मृत्यु भएको हो। </p>
<p>२३ असोज बेलुकी चौधरी मसुरो छर्न खेत गएका थिए। राप्ती स्वास्थ्य विज्ञान प्रतिष्ठान घोराहीमा उपचारका क्रममा उनको मृत्यु भएको हो। </p>
<p>त्यस्तै दाङको शान्तिनगर गाउँपालिका-२ बाघमारेका ६० वर्षीय रामबहादुर रावतको खुट्टामा सर्पले डसेपछि राप्ती प्रादेशिक अस्पतालमा उपचार भइरहेको छ। <br />
</p>
प्रतिक्रिया दिनुहोस्
.jpg)
