धरहराको १०औं तला ढलान हुँदै
<p>काठमाडौं। चार वर्ष अघिको भूकम्पले भत्किएको धरहरा पुनर्निर्माण अन्तर्गत १०औँ तला ढलानको तयारी थालिएको छ।</p>
<p>धरहरा निर्माण गरिरहेको जिआइइटिसी-रमन जेभीका अनुसार यसै साता धरहराको १०औं तलाको ढलान गरिनेछ।</p>
<p>१२ बैशाख २०७२ को भूकम्पबाट क्षतिग्रस्त नौ तले धरहरा पुनर्निर्माण गर्ने क्रममा अहिले सुन्धारामा २२ तलाको नयाँ धरहरा बनिरहेको छ।</p>
<p>नयाँ धरहरा निर्माणमा कूल तीन अर्ब आठ करोड खर्च हुनेछ। </p>
<p>२० असोज २०७५ बाट पुनर्निर्माण शुरू गरिएको धरहरा २० असोज २०७७ सम्ममा निर्माण सक्ने राष्ट्रिय पुनर्निर्माण प्राधिकरणको लक्ष्य छ।</p>
<p>प्राधिकरणका प्रमुख कार्यकारी अधिकृत सुशील ज्ञवालीले पूर्वनिर्धारित समयमा धरहरा पुनर्निर्माण कार्य सकिने जानकारी दिए।</p>
<p>नयाँ धरहरा निर्माणको लागि हरेक पन्ध्र/पन्ध्र दिनमा एक/एक तला ढलानो लक्ष्यका साथ काम भइरहेको छ।</p>
प्रतिक्रिया दिनुहोस्
.jpg)
