टिपरको ठक्करबाट आमाछोरीको मृत्यु भएपछि पनौती तनावग्रस्त, पाँचजना प्रहरी घाइते
<p>बनेपा। काभ्रेपलाञ्चोकको पनौती नगरपालिका–५ पनौती मानेश्वरी बसपार्कमा हिजो, ३ फागुन अपरान्ह टिपरको ठक्करबाट पैदल हिँडिरहेका आमाछोरीको मृत्यु भएको छ।</p>
<p>बनेपाबाट पनौतीतर्फ जाँदै गरेको बा‍. ५ ख ५४८० नम्बरको टिपरले ठक्कर दिई घाइते भएका खानिखोला गाउँपालिका-१ बस्ने २६ वर्षीया जुनिमाया गोले र उनकी ३ वर्षीया छोरी स्मारिकाको उपचारको क्रममा बनेपास्थित शिरमेमोरियल अस्पतालमा मृत्यु भएको प्रहरीले जनाएको छ ।</p>
<p>घटनापश्चात आक्रोशित भीडले ढुंगामुढासहित प्रदर्शन गरेपछि सो क्षेत्र तनावग्रस्त भयो।</p>
<p>भीडलाई नियन्त्रण गर्न दुई राउण्ड हवाई फायर र पाँच राउण्ड टियरग्यास प्रहार गरेको ईलाका प्रहरी कार्यालय बनेपाका इन्सपेक्टर योगेन्द्र तिमिल्सिनाले जानकारी दिए।</p>
<p>सो क्रममा क्रममा पाँच जना प्रहरी घाइते भएका छन्।</p>
<p>घाइतेमध्ये प्रहरी हवल्दार दिलीप बुढाथोकीको अवस्था गम्भीर रहेको प्रहरीले जनाएको छ।</p>
<p>टिपर र चालकलाई प्रहरीले नियन्त्रणमा लिएको छ। <em>रासस</em></p>
प्रतिक्रिया दिनुहोस्
.jpg)
