परराष्ट्रमा छलफल: चिनियाँ राष्ट्रपतिकाे रात्रिभोजमा साँधेको भटमास राख्ने कि नराख्ने !
<p>काठमाडौं। सिंहदरबारस्थित परराष्ट्र मन्त्रालय आज दिनभर निकै व्यस्त थियो। दुई दिनपछि हुन लागेको चिनियाँ राष्ट्रपति सी चिनफिङको भ्रमण तयारीका लागि मन्त्रीदेखि कर्मचारीसम्म चटारोमा थिए। </p>
<p>त्यही चटारोकै बीच <em>देखापढी</em> संवाददाता त्यहाँ पुग्दा अर्को एउटा विषयले परराष्ट्र अधिकारीहरूको मथिंगल हल्लाएको देखियो । परराष्ट्रसचिब शंकरदास बैरागी, चीनका लागि नेपाली राजदूत लीलामणि पौड्याल लगायत परराष्ट्रका केही कर्मचारी त्यो छलफलमा सहभागी थिए । छलफलको विषय थियो– चिनियाँ राष्ट्रपतिलाई दिइने रात्रिभोज । </p>
<p>राष्ट्रपति विद्यादेवी भण्डारीले चिनियाँ समकक्षी चिनफिङ नेपाल आइपुगेकै दिन, २५ असोज साँझ काठमाडौंको सोल्टी होटलमा रात्रिभोज आयोजना गर्दैछिन् । त्यसको चाँजोपाँजो मिलाउने जिम्मेवारी भने परराष्ट्र मन्त्रालयकै हुनेछ । चिनियाँ पाहुनालाई रात्रिभोजमा के खुवाउने भन्ने विषयमा परराष्ट्रका अधिकारी अन्योलमा थिए । </p>
<p>त्यही छलफलका क्रममा एक जनाले सोधे, “महामहिमको डिनरमा साँधेको भटमास राख्ने कि नराख्ने ?”</p>
<p>छलफलमा यो प्रश्न उठेपछि चीनका लागि नेपाली राजदूत पौड्यालले जोड दिएरै भनेका थिए, “डिनरमा साँधेको भटमास राख्नुपर्छ ।”</p>
<p>दशैंका बेला नेपाल आएका बेइजिङस्थित राजदूत पौड्याल चिनियाँ राष्ट्रपतिको भ्रमण तयारीका लागि मन्त्रालयमै थिए । </p>
<p>उनको भनाई सुनेपछि परराष्ट्रका अर्का एक कर्मचारीले भने, “भटमासले पाहुनाको पेट गडबड गर्‍यो भने चाहिँ के गर्ने ?” यसको जवाफ भने कोहीसँग थिएन । </p>
<div style="text-align:center">
<figure class="image" style="display:inline-block"><img alt="" height="438" src="https://www.dekhapadhi.com/storage/photos/shares/Politics/72779229_2276371695971148_3501126828527976448_n.jpg" width="670" />
<figcaption>चिनियाँ राष्ट्रपतिका लागि आयाेजित रात्रिभाेजमा सहभागी हुनेहरूलाई परराष्ट्र मन्त्रालयले पठाएकाे निमन्त्रणा।</figcaption>
</figure>
</div>
<p style="text-align:center"><img alt="" height="232" src="https://www.dekhapadhi.com/storage/photos/shares/Politics/72462271_1730625420407439_5368939437621248000_n.jpg" width="670" /></p>
<p>परराष्ट्र मन्त्रालयका अधिकारीहरू चिनियाँ राष्ट्रपतिलाई दिइने रात्रिभोजको मेन्यू एकदमै गोप्य राखिएको बताउँछन् । “मेन्यूमा के राख्ने भन्नेबारे चिनियाँ अधिकारीहरूले निकै चासो देखाएका छन्, हामीले अझै टुङ्ग्याउन सकेका छैनौं”, मन्त्रालयका एक अधिकारीले भने ।</p>
<p>चिनियाँ राष्ट्रपति सी २५ असोज अपरान्ह करीब ५ बजे काठमाडौं आइपुग्नेछन् । उनलाई त्रिभुवन अन्तर्राष्ट्रिय विमानस्थलमा राष्ट्रपति विद्यादेवी भण्डारीले स्वागत गर्नेछिन् । </p>
<p>चिनियाँ राष्ट्रपति सबभन्दा पहिले राष्ट्रपति भण्डारीसँगको शिष्टाचार भेटका लागि शीतलनिवास जानेछन् । </p>
<p>चिनियाँ राष्ट्रपतिका लागि २५ असोज साँझ नै उनी बस्ने सोल्टी होटलमा राष्ट्रपति भण्डारीले रात्रिभोज आयोजना गर्नेछिन् ।</p>
<p>२६ असोजमा सोल्टी होटलमै प्रधानमन्त्री केपी शर्मा ओली र चिनियाँ राष्ट्रपति सीबीच द्धिपक्षीय वार्ता हुनेछ । त्यसक्रममा द्धिपक्षीय सम्झौतामा हस्ताक्षर हुने कार्यक्रमसमेत तय भएको छ । </p>
<p>राष्ट्रपति सीले सोल्टी होटलमै अन्य राजनीतिक भेटघाट समेत गर्नेछन् । राष्ट्रपति सी २६ असोज दिउँसो बेइजिङ प्रस्थान गर्ने छन् । </p>
प्रतिक्रिया दिनुहोस्
.jpg)
