भण्डारी दम्पती हत्यामा संलग्न आशंकामा छोरा पक्राउ
<p>कैलाली। कंचनपुरको शुक्लाफाँटा नगरपालिकाको कलुवापुरमा भएको भण्डारी दम्पती हत्यामा संलग्‍न आरोपमा प्रहरीले अनुसन्धानका लागि मृतकका छोरालाई पक्राउ गरेको छ।</p>
<p>गत १५ फागुनमा घरभित्रै मृत भेटिएका जयलाल भण्डारी र उनकी श्रीमती धनाको हत्यामा संलग्न भएको आशंकामा छोरा भरत भण्डारीलाई डडेलधुरा प्रहरीले पक्राउ गरेको हो।</p>
<p>उनलाई डडेल्धुराबाट कंचनपुर ल्याइएको छ।</p>
<p>जिल्ला प्रहरी कार्यालय कंचनपुरका प्रवक्ता डीएसपी रविन्द्रनाथ पौडेलले अनुसन्धानको क्रममा भरतले नै बुबा र कान्छी आमाको धारिलो हतियार प्रहार गरी हत्या गरेको अनुसन्धानको क्रममा देखिएको जानकारी दिए।</p>
<p>आज दिउँसो १ बजे पत्रकार सम्‍मेलनमार्फत भरलाई सार्वजनिक गर्ने प्रहरीको तयारी छ।</p>
<p>भण्डारी दम्पती र छोरा भरतबीच लामो समयदेखि सम्पत्तिको विषयमा घरायसी विवाद रहेको स्थानीयले बताएका छन्।</p>
<p>जेठी श्रीमतीको मृत्युपछि जयलालले धनालाई दुई वर्षअघि बिहे गरेका थिए।</p>
<p>आमाबुबाको हत्यापछि घरमा बेहोश भेटिएकी सात महिनाकी छोरीको धनगढीको माया मेट्रो अस्पतालमा उपचार भईरहेको छ।</p>
<p>चिकित्सकका अनुसार उनको अवस्था सुधारोन्मुख रहेको छ।</p>
प्रतिक्रिया दिनुहोस्
.jpg)
