ट्याक्टर र मोटरसाइकल ठोक्किँदा सशस्त्र प्रहरी हवल्दारको मृत्यु
<p>कैलाली। गएराति कंचनपुरको भीमदत्त नगरपालिका-१० भुजेलामा ट्याक्टर र मोटरसाइकल ठोक्किँदा एक सशस्त्र प्रहरी हवल्दारको मृत्यु भएको छ।</p>
<p>दुर्घटनामा अर्का एकजना घाइते भएका छन्।</p>
<p>भुजेला पुल नजिक म. १ त १११० नम्बरको ट्याक्टर र म. २ प १११२ नम्बरको मोटरसाइकल ठोक्किदाँ सशस्त्र प्रहरी हवल्दार खगेन्द्र जोशीको मृत्यु भएको जिल्ला प्रहरी कार्यालय, कंचनपुरका प्रहरी निरीक्षक कृष्णानन्द भट्टले जानकारी दिए।</p>
<p>दुर्घटनामा गम्भीर घाइते भएका खगेन्द्रको उपचारका लागि भारत लैजाँदै गर्दा बाटोमै मृत्यु भएको हो।</p>
<p>उनीसँगै सवार भुजेलाकै हरी जोशी घाइते भएको र उनको भारतको खटिमामा उपचार भइरहेको भट्टले जानकारी दिए।</p>
<p>प्रहरीका अनुसार ट्याक्टर चालक फरार भएको र उनको खोजी भइरहेको छ।</p>
प्रतिक्रिया दिनुहोस्
.jpg)
