गैँडा गणना १० चैतबाट, चितवनबाट थालिने
<p>चितवन। यही १० चैतबाट गैँडा गणना हुने भएको छ।</p>
<p>राष्ट्रिय निकुञ्‍ज तथा वन्यजन्तु संरक्षण विभागले पत्र पठाएपछि चितवन राष्ट्रिय निकुञ्‍जले गैँडा गणनाको आवश्यक तयारी शुरु गरेको हो।</p>
<p>गैँडा गणनाका तयारीस्वरूप ७-८ चैतमा निकुञ्‍जका कर्मचारी, हात्तीसार, राष्ट्रिय प्रकृति संरक्षण कोषका कर्मचारीसमेत १०० जनालाई तालिम दिइने सहायक संरक्षण अधिकृत प्रकाश उप्रेतीले जानकारी दिए।</p>
<p>उप्रेतीका अनुसार चितवनसँगै पर्सा, बर्दिया र शुक्लाफाँटा राष्ट्रिय निकुञ्‍जमा पनि गणना गरिने छ।</p>
<p>गैँडा गणनाका लागि हात्तीको सहायता लिने गरिएको छ। </p>
<p>गर्मी बढेपछि हात्ती थाक्ने भएकाले चैत महिनाभित्रै गैँडा गणना गर्नु राम्रो मानिन्छ।</p>
<p>नेपालमा सन् १९९४ ,२०००, २००५, २००८, २०११ र २०१५ मा गैँडा गणना गरिएको थियो ।</p>
<p>पछिल्लो गणना अनुसार चितवन राष्‍ट्रिय निकुञ्जमा सबैभन्दा बढी ६०५ गैँडा रहेको तथ्यांक छ।</p>
<p>चितवन, पर्सा, बर्दिया र शुक्लाफाँटाकासहित ६४५ गैँडा थिए।</p>
<p>सन् २०१६ र २०१७ मा बर्दिया र शुक्लाफाँटामा चितवनको गैँडा स्थानान्तरण गरिएको थियो।</p>
<p>यसले पनि गैँडाको सङ्ख्या वृद्धि हुनसक्ने अनुमान गरिएको छ।</p>
<p>सन् २०१५ को गणनापछि चोरी शिकारबाट मर्ने गैँडाको सङ्ख्याको तुलनामा प्राकृतिक कारणले मर्नेको संख्या बढी रहेको निकुञ्‍जका अधिकारी बताउँछन्।</p>
प्रतिक्रिया दिनुहोस्
.jpg)
