जापानका प्रधानमन्त्रीले भने- 'टोकियो ओलम्पिक तोकिएकै समयमा हुन्छ'
<p>काठमाडौं। कोरोना भाइरस संक्रमणको जोखिमका कारण विश्वभरका खेल गतिविधि प्रभावित बनिरहेको बेला जापानका प्रधानमन्त्री शिन्जो अबेले टोकियो ओलम्पिक तोकिएकै समयमा हुने बताएका छन्।</p>
<p>तर, प्रधानमन्त्री अबेले टोकियो ओलम्पिक-२०२० समयमै हुने नहुने बारे अन्तिम निर्णय अन्तर्राष्ट्रिय ओलम्पिक कमिटी (आइओसी) ले गर्ने बताए।</p>
<p>‘‘हामीले संक्रमणको जोखिम पार गरेका छौं र कुनै समस्याविना ओलम्पिक समयमै गर्न सक्छौं,’’ उनले भने।</p>
<p>जापानमा १४ सयभन्दा बढीमा कोरोना भाइरस संक्रमण देखिएको थियो भने २८ जनाको मृत्यु भएको छ।</p>
<p>टोकियो ओलम्पिकका लागि १३ खर्ब ५० अर्ब जापानी यान खर्च हुने अनुमान गरिएको छ।</p>
<p>ओलम्पिक टर्च लाइट रिले २६ मार्चमा फुकुशिमाबाट शुरू हुनेछ।</p>
<p>टोकियोका गभर्नर युरिको कोइकेले जापानमा टर्च रिले गर्न आवश्यक सम्पूर्ण सावधानी अपनाएको बताएका छन्।</p>
<p>रेशलिङ, रोविङ, ड्राइभिङलगायत ओलम्पिकमा ट्रायल गरिने केही खेलहरू अमेरिकामा स्थगित भएका छन्।</p>
<p>लन्डनमा भने बक्सिङको इभेन्टहरू १ चैतमा तालिकाअनुसार नै भएको छ।</p>
प्रतिक्रिया दिनुहोस्
.jpg)
