आफ्नो जग्गा भारतमा परेपछि कंचनपुरमा सीमा स्तम्भ तोडियो
<p>कैलाली। कंचनपुरको दक्षिण भेगमा संयुक्त सीमा टोलीले नेपाली भूमिमा गाडेको सीमा स्तम्भ स्थानीयवासीले तोडेका छन्।</p>
<p>नेपाल-भारत संयुक्त सर्भे टोलीले बेलडाँडी गाउँपालिका-३ वैवाह क्षेत्रमा भर्खरै राखेको ७८३/४ नम्बर पिल्लर स्थानीयवासीहरूले हतौडा र ढुंगा प्रहार गरी भत्काइदिएका हुन्।</p>
<p><img alt="" height="577" src="https://www.dekhapadhi.com/storage/photos/shares/Province/sudurpaschim/kanchanpur border1.jpg" width="960" /></p>
<p>नयाँ सर्भेको क्रममा नेपाली लालपुर्जा रहेको जमिनमा सीमा स्तम्भ गाडेर भारततर्फ पारिएको भन्दै स्थानीयले विरोध गरेपछि सर्भेको काम रोकिएको थियो।</p>
<p>५० वर्षभन्दा बढी समयदेखि बस्दै आएको उक्त वस्तीका वासिन्दाको जमिन भारतमा परेसँगै त्यस क्षेत्रमा सीमा विवाद बढेको छ।</p>
<p>नेपाली कांग्रेस कंचपुरका सभापति हरीप्रसाद बोहराले आफूहरूको अनुगमनको क्रममा सरकारी लापरबाहीका कारण नेपाली भूमि भारतमा परेको बताए।</p>
<p>तर आफूहरु उक्त विवादित क्षेत्रमा पुग्नुअघि नै स्थानीयवासीले पिल्लर तोडफोड गरेको उनले जानकारी दिए।</p>
<p>सीमा स्तम्भ भत्काइएसँगे त्यस क्षेत्रमा सुरक्षा सर्तकता बढाइएको छ।</p>
प्रतिक्रिया दिनुहोस्
.jpg)
