विषाक्त मदिरा पिउँदा मृत्यु भएकाको संख्या ११ पुग्यो
<p>काठमाडौं। धनुषाको क्षिरेश्वरनाथ नगरपालिका–२ को रमदैयामा विषाक्त मदिरा पिउँदा मृत्यु भएकाको संख्या ११ पुगेको छ। </p>
<p>होली पर्वको अवसरमा अत्यधिक मात्रामा घरेलु मदिरा पिउँदा गम्भीर बिरामी भएका ११ जनाको मृत्यु भएको हो। </p>
<p>इलाका प्रहरी कार्यालय महेन्द्रनगरका प्रहरी निरीक्षक पप्पु नायकले घटनाबारे अनुसन्धान भइरहेको जानकारी दिए। मदिरा पिएर गम्भीर अवस्थामा पुगेका चार जनाको रम्दैयास्थित जानकी मेडिकल कलेज शिक्षण अस्पतालमा उपचार भइरहेको छ।</p>
<p>अवैध मदिरा बिक्री गरेको अभियोगमा स्थानीय रामानन्द साह र एक महिलालाई पक्राउ गरिएको प्रहरीले जनाएको छ। मृत्यु भएका सबै आर्थिक रुपले विपन्न परिवारका व्यक्ति हुन्।<br />
</p>
प्रतिक्रिया दिनुहोस्
.jpg)
