भारतका प्रधानमन्त्री मोदीद्वारा कोभिड–१९ विरुद्ध रणनीति बनाउन सार्कका नेताहरूलाई अपिल
<p>काठमाडौं। भारतीय प्रधानमन्त्री नरेन्द्र मोदीले ट्वीटमार्फत् दक्षिण एशियाली नेताहरूसमक्ष कोरोना भाइरसविरुद्ध बलियो रण्नीतिको रूपरेखा तयार पार्न प्रस्ताव राखेका हुन्। </p>
<p>केहीबेर अघि ट्वीट गर्दै प्रधानमन्त्री मोदीले आफूहरूले भिडिओ कन्फ्रेन्समार्फत् छलफल गर्न सक्ने र नागरिकलाई स्वस्थ राख्नका लागि पहल लिन सकिने उल्लेख गरेका छन्।</p>
<p>उनले दक्षिण एशियाली क्षेत्रीय सहयोग संगठन (सार्क) का नेताहरूबीचको यस्तो साझेदारीले विश्वका लागि उदाहरण र योगदान पेश गर्न सक्ने उनले बताएका छन्। </p>
<p>प्रधानमन्त्री मोदीले ट्वीटमा लेखेका छन्– ‘अहिले विश्व नै नोबेल कोरोना भाइरसको संक्रमणका कारण हुने कोभिड-१९ रोग सँग लडिरहेको छ। विभिन्न तहमा नागरिक र तिनका सरकारले यो लडाइँमा आ-आफ्नो क्षेत्रबाट सकेजतिको प्रयास गर्दै छन्। विश्व जनसंख्याको एक उल्लेख्य हिस्सा बसोबास गर्ने दक्षिण एशियामा पनि आफ्ना नागरिकलाई स्वस्थ राख्न हामीले कुनै कसर बाँकी छाड्न हुँदैन।’</p>
<p style="text-align:center"><img alt="" height="417" src="https://www.dekhapadhi.com/storage/photos/shares/International/Modi Tweet.JPG" width="660" /></p>
<p><br />
</p>
प्रतिक्रिया दिनुहोस्
.jpg)
