अत्यधिक मदिरा सेवनका कारण धनुषामा पाँचजनाको मृत्यु
<p>काठमाडौं। घरेलु मदिरा अत्यधिक सेवनका कारण धनुषामा पाँचजनाको मृत्यु भएको छ। </p>
<p>मदिरा सेवनको कारण मृत्यु हुनेमा क्षिरेश्‍वरनाथ नगरपालिका-२ का ब्रम्हदेव यादव, रामविलास मण्डल, गुद्री महरा र राजु महरा छन्।</p>
<p>त्यस्तै क्षिरेश्‍वरनाथ-१ का रामनारायण महराको पनि मृत्यु भएको इलाका प्रहरी कार्यालय महेन्द्रनगरका प्रमुख इन्सपेक्टर पप्पु नायकले <em>देखापढी</em>लाई बताए।</p>
<p>राजु र रामनारायणको गएराति र अन्य तीनजनाको २८ फागुन दिउँसो मृत्यु भएको उनले जानकारी दिए।</p>
<p>होली पर्वमा अत्याधिक मदिरा पिएपछि बिरामी परेका उनीहरूको जनकपुरस्थित जानकी मेडिकल अस्पताल र जानकी हेल्थ क्लबमा उपचारको क्रममा मृत्यु भएको प्रहरीले बताएको छ।</p>
<p>"प्रारम्भिक अनुसन्धानको क्रममा अत्यधिक मदिरा सेवन भएको भेटिएको छ", इन्सपेक्टर नायकले भने, "मदिरा सेवनकै कारण केहीको हर्ट अट्याक भएको मेडिकल रिपोर्टबाट खुलेको छ।"</p>
<p>घटनाबारे थप अनुसन्धान भइरहेको प्रहरीले बताएको छ।</p>
प्रतिक्रिया दिनुहोस्
.jpg)
