स्याङ्जामा आगलागी, दुई घर र चार वटा गोठ जले
<p>काठमाडौं। स्याङ्जाको कालीगण्डकी गाँउपालिका-५ बाँसटारीमा आगलागी हुँदा दुई घर र चार वटा गोठ जलेको छ।</p>
<p>स्थानीय नेत्रप्रसाद न्यौपानेको गोठबाट सल्किएको आगोबाट सन्तोष पाण्डेको दुई वटा घर जलेको वडा अध्यक्ष लोकेदार थापाले <em>देखापढी</em>लाई बताए।</p>
<p>उनका अनुसार आगलागीबाट चोलाकान्त न्यौपाने, ताराप्रसाद न्यौपाने र सन्तोष पाण्डेको गोठमा क्षति पुगेको छ। आगलागी २९ फागुन साँझमा भएको हो।</p>
<p>नेत्रप्रसाद न्यौपानेको गोठमा कुडो पकाउन बालिएको आगो सल्किएको आशंका गरिएको छ। उनका दुईवटा भैँसी मरेका छन्।</p>
<p>"करीब ५० लाख क्षति भएको पाइयो। गाउँले, नेपाली सेनाको सहयोगमा आगो निभायौँ", वडाध्यक्ष थापाले भने।</p>
प्रतिक्रिया दिनुहोस्
.jpg)
