प्रियंकासँग विहेपछि आयुष्मानले थपे नामपछाडि ‘कार्की’
<p>काठमाडौं । अभिनेत्री प्रियंका कार्की र अभिनेता आयुष्मान देशराज जोशी १५ फागुनमा वैवाहिक जीवनमा बाँधिए । अहिले दुवैजना मधुमास अवधिमा छन्। सामाजिक सञ्जालमा उनीहरुले विवाहसम्बन्धी तस्वीर पोष्ट गरिरहेका छन्। </p>
<p>एकअर्काप्रति माया व्यक्त गर्ने क्रममा उनीहरुले आ–आफ्नो नामको पछाडि एक अर्काको थर पनि जोडेका छन् । </p>
<p>इन्स्टाग्राममा प्रियंकाले आफ्नो नाम ‘प्रियंका कार्की देशराज जोशी’ लेखेकी छन्। त्यसलगत्तै आयुष्मानले पनि ‘आयुष्मान देशराज जोशीको पछाडि ‘कार्की’ थपेका छन् । आयुष्मानलाई श्रीमतीले आफ्नो थर जोडेपछि उनको थर जोड्ने कि नजोड्ने भन्ने अप्ठेरो परेको थियो । </p>
<p style="text-align:center"><img alt="" height="281" src="https://www.dekhapadhi.com/storage/photos/shares/Environment/pryanka 1.PNG" width="724" /></p>
<p style="text-align:center"><img alt="" height="223" src="https://www.dekhapadhi.com/storage/photos/shares/Entertainment/ayushman.PNG" width="691" /></p>
<p>प्रियंकाले इन्स्टाग्राममा आयुष्मानको थर जोडेपछि धेरैले आयुष्मानले के गर्लान् भनेर कमेन्ट गरेका थिए। </p>
<p>आयूष्मानका पहिल्यै तीन थर थिए । बुवा जोशी र आमा देशराज श्रेष्ठ भएकाले उनले पनि आफ्नो नामको पछाडि देशराज जोशी श्रेष्ठ लेख्दै आएका थिए । </p>
<p>आयूष्मानकी आमा रविनाको माइती पक्षको थर देशराज हो भने बुवा जोशी (श्रेष्ठ) हुन् । प्रियंकाको थर थप्दै उनले आयुष्मान डीएसके (देशराज, श्रेष्ठ, कार्की) लेखेका छन्। </p>
<p style="text-align:center"><img alt="" height="960" src="https://www.dekhapadhi.com/storage/photos/shares/Environment/pryanak 1.jpg" width="960" /></p>
<p><br />
</p>
प्रतिक्रिया दिनुहोस्
.jpg)
