बसको ठक्करबाट अटो रिक्सा चालकको मृत्यु
<p>नेपालगंज। बाँकेको नेपालगंज-कोहलपुर सडकखण्डमा बसको ठक्करबाट अटो रिक्सा चालकको मृत्यु भएको छ।</p>
<p>भे. १ ख २१२९ नम्बरको बस र अटो रिक्सा आज बिहान कोहलपुरको ट्राफिक प्रहरी कार्यालय अगाडि ठोक्किँदा अटो चालकको घटनास्थलमै मृत्यु भएको जिल्ला प्रहरी कार्यालय बाँकेले जनाएको छ।</p>
<p>मृतकको नाम र ठेगाना खुलिनसकेको प्रहरी नायब उपरीक्षक शिवबहादुर सिंहले बताए।</p>
<p>दुर्घटनामा घाइते दुईजनाको कोहलपुर मेडिकल कलेजमा उपचार भइरहेको छ।</p>
<p>बस चालकलाई नियन्त्रणमा लिएको प्रहरीले जनाएको छ। <em>रासस</em></p>
प्रतिक्रिया दिनुहोस्
.jpg)
