शान्ति मिसनमा लेबनान खटिएका एक नेपाली सैनिकको दुर्घटनामा मृत्यु
<p>काठमाडौं। संयुक्त राष्ट्र संघीय शान्ति मिसनमा लेबनानमा रहेका एक नेपाली सैनिकको दुर्घटनामा परेर मृत्यु भएको छ।</p>
<p>धादिङको मूलपानी घर भएका अमलदार नरबहादुर मगरको हिजो, २८ फागुनमा दुर्घटनामा मृत्यु भएको हो।</p>
<p>नेपाली सेनाका प्रवक्ता सहायक रथी विज्ञानदेव पाण्डेले ड्राइभर रहेका मगर चार महीनाअघि एक वर्षका लागि लेबनान गएको जानकारी दिए।</p>
<p>दक्षिण लेबनानको मेस एज जेबेलस्थित नेपाली क्याम्पमा अर्का नेपाली सैनिकले चलाएको ट्यांकर ब्याक गर्ने क्रममा नरबहादुरलाई ठक्कर दिएको थियो।</p>
<p>मृतक मगरको परिवारलाई खबर गर्ने र शव नेपाल ल्याउन आवश्‍यक प्रक्रिया थालिएको पाण्डेले <em>देखापढी</em>लाई बताए।</p>
प्रतिक्रिया दिनुहोस्
.jpg)
