कञ्चनपुरमा बाबुले गरे आफ्नै छोराको हत्या
<p>कञ्चनपुर। भीमदत्त नगरपालिका–२ उल्टाखाममा एक बाबुले आफ्नै छोराको हत्या गरेका छन्। </p>
<p>४० वर्षीय डम्बर चन्दले १६ वर्षीय छोरा शुभनको हत्या गरेको कञ्चनपुर प्रहरीले जनाएको छ। </p>
<p>आज साँझ सात बजेतिर कैची र फरुवा प्रहार गरी छोराको हत्या गरेको जिल्ला प्रहरी कार्यालय कञ्चनपुरका डीएसपी रबिन्द्र पौडेलले <strong><em>देखापढी</em></strong>लाई बताए। </p>
<p>डम्बरले मादक पदार्थ प्रयोग गरेर छोरामाथि आक्रमण गरेका थिए। आक्रमणबाट गम्भीर घाइते सुभनको उपचारका क्रममा महाकाली अञ्चल अस्पतालमा मृत्यु गएको डीएसपी पौडेलले बताए। </p>
<p>छोरामाथि आक्रमण गरेर छिमेकीको घरमा लुकिरहेको अवस्थामा उनलाई नियन्त्रणमा लिएर थप प्रहरी हिरासतमा राखिएको प्रहरीले जनाएको छ। उनी प्रायः मादक पदार्थ प्रयोग गर्ने गरेका थिए। </p>
<p>स्थानीयका अनुसार मादक पदार्थ प्रयोगर गरेर श्रीमतीमाथि कुटपिट गर्ने, गाउँघरमा हो–होल्ला गर्ने गरेको भन्दै डम्बरविरुद्ध पटक–पटक प्रहरीमा उजुरी परेको थियो। </p>
प्रतिक्रिया दिनुहोस्
.jpg)
