कांग्रेस नेता एवं पूर्वमन्त्री पूर्णकुमार शेर्माको निधन
<p>पाँचथर। पूर्वस्थानीय विकासमन्त्री तथा नेपाली कांग्रेसका पूर्वकेन्द्रीय सदस्य पूर्णकुमार शेर्माको निधन भएको छ। </p>
<p>काठमाडौंको निदान हस्पिटल पुल्चोकमा उपचारका क्रममा आज दिउँसो उनको निधन भएको हो। </p>
<p>दुवै मिर्गौलाले काम गर्न छाडेपछि लामो समयदेखि शेर्मा उपचाररत थिए। १२ असोज २००० मा पाँचथरको मिक्लाजुङ गाउँपालिका–२ सराङडाँडामा जन्मिएका शेर्मा २०६६ सालमा स्थानीय विकासमन्त्री भएका थिए।</p>
<p>उनले नेपाली कांग्रेस पाँचथरको दुईपटक सभापति भएका थिए। विसं २०५७ मा भएको १०औँ र २०६१ सालमा भएको ११औँ अधिवेशनमा शेर्र्मा जिल्ला सभापतिमा निर्वाचित भएका थिए। </p>
<p>यस्तै उनी कांग्रेसको तिनै महाधिवेशनबाट दुईपटक केन्द्रीय सदस्यमा निर्वाचितसमेत भएका थिए। शेर्मा २०२१ सालमा निगाले गाउँ पञ्चायतको प्रधानपञ्च थिए। </p>
<p>दुई श्रीमतीमध्ये शेर्मा कान्छी जनिमायाँ मगरको साथमा काठमाडौंमा बस्दै आएका थिए। उनका दुई छोरा र पाँच छोरी छन्। <em> रासस</em><br />
</p>
प्रतिक्रिया दिनुहोस्
.jpg)
