लोक दोहोरी प्रतिष्ठानले पहिलोपटक ‘लोक दोहोरी दिवस’ मनाउँदै
<p>काठमाडौं। राष्ट्रिय लोक तथा दोहोरी गीत प्रतिष्ठान नेपालले आफ्नो स्थापना दिनलाई अब ‘लोक दोहोरी दिवस’का रूपमा मनाउने भएको छ। </p>
<p>आज काठमाडौंमा बसेको बैठकले २९ फागुनलाई लोकदोहोरी दिवसका रूपमा मनाउने निर्णय गरेको हो। </p>
<p>प्रतिष्ठानको स्थापना २९ फागुन २०५८ सालमा भएको थियो। आफ्नो स्थापना दिवसको उपलक्ष्यमा ‘लोकदोहोरी दिवस’ मनाउन लागेको हो। प्रतिष्ठानले भोलि आफ्नो १९ औं स्थापना दिवस मनाउन लागेको प्रतिष्ठानका अध्यक्ष रमेश बीजीले <strong><em>देखापढी</em></strong>लाई जानकारी दिए। </p>
<p>हरेक वर्ष मनाउदै आएको स्थापना दिवसलाई यसवर्षदेखि भने लोकदोहोरी दिवसका रूपमा मनाउने अध्यक्ष बीजीले बताए। भोलि बिहान ७ बजे केन्द्रीय कार्यालयको सरसफाइ, अन्तरक्रियालगायतका कार्यक्रम गरिएको छ। स्थापना दिवस भव्यरूपमा मनाउने यसअघिको योजना कोरोना भाइरसको त्रासका कारण स्थगित गरेर सामान्य रूपमा मनाइन लागेको हो। </p>
<p>प्रतिष्ठानले आफू मातहतका सम्पूर्ण प्रदेश समिति, उपत्यका समन्वय समिति, जिल्ला शाखा, विदेश शाखा, संस्थापक पूर्वपदाधिकारी एवम् सम्पूर्ण सदस्यलगायत लोक दोहोरीप्रेमिलाई लोकदोहोरी दिवस सिर्जनात्मक रूपमा मनाउन आग्रह गरेको छ। </p>
<p>शाखाहरूलाई पनि सामान्य तरिकाले मनाउन र कोरोना भाइरसबारे जनचेतनामुलक कार्यक्रम गर्न निर्देशन दिइएको बिजीले बताए। </p>
प्रतिक्रिया दिनुहोस्
.jpg)
