फर्कियो नेपाली बक्सिङ टोली
<p>काठमाडौं। जोर्डनको अमानमा सम्पन्न एशिया/ओसियाना टोकियो ओलम्पिक-२०२० बक्सिङ छनोटमा सहभागी भई नेपाली बक्सिङ टोली स्वदेश फर्किएको छ।</p>
<p>३-११ मार्चमा भएको प्रतियोगितामा पुरुष ६३ किलो तौल समूहमा सुनिल शाही र महिला ५७ किलो तौल समूहमा मीनु गुरुङले प्रतिस्पर्धा गरेका थिए।</p>
<p>जोर्डनमा सुनिलले एक बाउट जितेका थिए। उनले कीर्गिस्तानका उन्मोनोभ बखोदुरलाई पराजित गरेका थिए।</p>
<p>नेपाली बक्सिङको इतिहासमा कुनै पनि खेलाडीले ओलम्पिक छनोटमा हासिल गरेको यो नै पहिलो जित भएको नेपाल बक्सिङ संघले जनाएको छ।</p>
<p>मीनु भने कोरियाली खेलाडी इम अईजीसँग पहिलो चरणमै पराजित भएकी थिइन्। सुनिल र मीनु दुवै १३औं दक्षिण एशियाली खेलकुद (साग) का स्वर्ण पदक विजेता हुन्।</p>
<p>प्रशिक्षकमा बक्सिङ मुख्य प्रशिक्षक प्रकाश थापामगर र अलिशेर राखिमोभ गएका थिए। टोलीलाई नेपाल बक्सिङ संघका अध्यक्ष राम अवालेलगायतले स्वागत गरेका थिए।</p>
प्रतिक्रिया दिनुहोस्
.jpg)
