करोडौं ठगीका आरोपी ठेकेदार मनोज भेटवालले आत्मसर्पण गरे
<p>काठमाडौं। करोडौं ठगीको आरोप लागेका ठेकेदार मनोज भेटवालले प्रहरीमा आत्मसमर्पण गरेका छन्।</p>
<p>आज बिहान साढे ८ बजेतिर महानगरीय अपराध महाशाखा टेकुमा आफैँ उपस्थित भएको महाशाखाका प्रवक्ता डीएसपी होविन्द्र बोगटीले <em>देखापढी</em>लाई बताए।</p>
<p>उनीमाथि बैंकिङ कसुरको मुद्दा छ।</p>
<p>"उनलाई हामीले खोजिरहेका थियौँ। आफैँ आएका छन्। आजै अदालतबाट म्याद थापेर थप अनुसन्धान अघि बढाउँछौं", बोगटीले भने।</p>
<p>जलेश्वर स्वच्छन्द विल्डर्सका संचालक रहेका भेटवाललाई पाटन उच्च अदालतले एक महीनाअघि पक्राउ गर्न प्रहरीलाई अनुमति दिएको थियो।</p>
<p>काठमाडौंको पूरानो बसपार्कमा बन्‍न लागेको भ्यू टावर निर्माणको जिम्मा उसैले लिएका छन्।</p>
<p>टावर निर्माण बीचमै थाती राखेर उनी बेपत्ता थिए।</p>
प्रतिक्रिया दिनुहोस्
.jpg)
