सामूहिक बलात्कार अभियोगमा सप्तरीका चार युवकलाई १० वर्ष कैद
<p>सप्तरी। एक किशोरीलाई सामूहिक बलात्कार गरेको अभियोगमा सप्तरी जिल्ला अदालतले चारजना युवकलाई कैद सजायको फैसला गरेको छ।</p>
<p>जिल्ला न्यायाधीश नन्दकिशोरप्रसाद यादवको इजलासले शम्भुनाथ नगरपालिका-३ का २० वर्षीय एटलाण्टिक चौधरी, अजयकुमार चौधरी, अर्जुनकुमार साह र २२ वर्षीय मनोजकुमार साहलाई जनही १० वर्षको कैद सजायँ सुनाएको हो।</p>
<p>फरार रहेका आरोपितहरु शम्भुनाथ नगरपालिका-३ का २० वर्षीय बबी चौधरी, १९ वर्षीय मिथिलेशकुमार साह र थेपा भनिने ओमप्रकाश पालको मुद्दा मुल्तबीमा राखिएको छ।</p>
<p>पीडित युवतीकी आमाले जिल्ला प्रहरी कार्यालयमा २८ फागुन २०७४ मा गते उजुरी दिएकी थिइन्।</p>
<p>सामूहिक बलात्कारको आरोपमा एटलाण्टिक र अजय घटनालगत्तै पक्राउ परेका थिए भने मनोज र अर्जुन २६ चैत २०७४ माा वारेण्ट जारी भएपछि अदालत हाजिर भएका थिए। <em>रासस</em></p>
प्रतिक्रिया दिनुहोस्
.jpg)
