गोरखामा जिप दुर्घटना हुँदा छजना घाइते, गम्भीर घाइतेलाई हेलिकप्टरबाट काठमाडौं ल्याउने तयारी
<p>काठमाडौं। गोरखाको बारपाक-सुलिकोट गाउँपालिका-४ स्थित सौरपानीमा आज बिहान भएको जिप दुर्घटनामा छजना घाइते भएका छन्।</p>
<p>घाइतेमध्ये तीनजनाको अवस्था गम्भीर रहेको प्रहरीले जनाएको छ।</p>
<p>रोन्चोकबाट बाह्र किलोतर्फ आउँदै गरेको बा. १५ च १०१६ नम्बरको जिप आज बिहान सवा ७ बजे सडकबाट करीब १५० मिटर तल खसेको हो।</p>
<p>जिपमा ११ जना सवार थिए। </p>
<p>दुर्घटनास्थलमा रहेकामध्ये गम्भीर घाइतेहरूलाई हेलिकप्टरबाट काठमाडौं ल्याउने तयारी भइरहेको गोरखा प्रहरी प्रमुख एसपी ओमप्रसाद अधिकारीले <em>देखापढी</em>लाई बताए।</p>
<p>"मेडिकल टीमले प्रारम्भिक उपचार गरिरहेको छ। घाइतेको अवस्था हेरेर कस-कसलाई पठाउने भन्ने तयारी भइरहेको छ। हेलिकप्टर मगाइसकेका छौं", अधिकारीले भने। </p>
प्रतिक्रिया दिनुहोस्
.jpg)
