फागुमा सात हजारबढीले गरे छिम्केश्वरीमाईको दर्शन
<p>दमौली। तनहुँको अग्लो स्थानमा रहेको छिम्केश्वरी मन्दिरमा हिजो, २६ फागुनमा सातहजारभन्दा वढी भक्तजनले दर्शन गरेका छन्।</p>
<p>फागुपूर्णिमाको अवसरमा यहाँ हरेक वर्ष मेला लाग्ने गर्दछ।</p>
<p>तनहुँबाहेक गोरखा, लमजुङका भक्तजन छिम्केश्वरी पुगेका थिए। </p>
<p>आँबुखैरेनी गाउँपालिका-५ स्थित छिम्केश्वरी मन्दिरमा पूजाअर्चना गरे मनले चिताएको पूरा हुने विश्वाससहित भक्तजन आउने गरेको छिम्केश्वरी पर्यटन विकास समितिका सचिव सन्तोष गुरुङले बताए।</p>
<p>“मन्दिर दर्शनका लागि बिहानदेखि नै भक्तजनको भीड लागेको थियो,”उनले भने, “प्रत्येक वर्षको होलीमा यहाँ भक्तजनको भीड लाग्ने गरेको छ।”</p>
<p>समुन्द्री सतहबाट २ हजार १३४ मिटर उचाईमा रहेको यो मन्दिरमा दैनिक २०/२५ जना भक्तजन आउने मन्दिरका पुजारी धनराज गुरुङले जानकारी दिए।</p>
<p>एकादशी र औंशी बाहेकका दिनमा मन्दिरमा बली पनि दिइन्छ। </p>
<p>गोरखा मनकामनाकी दिदीका रुपमा छिम्केश्वरीमाई पूजा गरिन्छ।</p>
<p>आँबुखैरेनीबाट लाब्दीसम्म १५ किलोमिटर कच्ची सडकमा जीप यात्रा र त्यसपछि पदयात्रा गरेर छिम्केश्वरी पुग्न सकिन्छ।</p>
<p>यहाँबाट अपि, सैपाल, धौलागिरी, अन्नपूर्ण, मनास्लु, बुद्ध हिमाल अवलोकन गर्न सकिन्छ। <em>रासस</em></p>
प्रतिक्रिया दिनुहोस्
.jpg)
