औषधि अभाव हुन नदिन बंगलादेशबाट दुई करोड ट्याब्लेट प्यारासिटामोल ल्याइँदै
<p style="text-align:justify">काठमाडौं। नेपालमा बढ्दो माग पूरा गर्न बंगलादेशबाट दुई करोड ट्याब्लेट प्यारासिटामोल आयात गरिने भएको छ।</p>
<p style="text-align:justify">भारतले २० फागुनदेखि लागू हुनेगरी विभिन्न २६ प्रकारका औषधिको निर्यातमा रोक लगाएको थियो। त्यसमा प्यारासिटामोलसमेत समावेश थियो। </p>
<p style="text-align:justify">भारतले नेपाललाई औषधि निर्यात गर्ने बचन दिए पनि तत्काल त्यसको टुंगो नभएकाले बंगलादेशबाट प्यारासिटामोल ल्याउन लागिएको हो।</p>
<p style="text-align:justify">नेपाल औषधि व्यवसायी संघले बंगलादेशबाट दुई करोड प्यारासिटामोल आयात गर्न एलसी खोलिसकेको संघका अध्यक्ष मृगेन्द्रमेहेर श्रेष्ठले जानकारी दिए।</p>
<p style="text-align:justify">भारतले औषधिको कच्चा पदार्थसहित २६ प्रकारका औषधि निर्यातमा प्रतिबन्ध लगाएको छ।</p>
<p style="text-align:justify">प्रतिबन्ध लगाएकोमध्ये कतिपय औषधिको प्रयोग नेपालमा धेरै मात्रामा हुँदैन। यसका साथै केही औषधिहरू नेपालमा पनि उत्पादन हुने गरेका छन्।</p>
<p style="text-align:justify">नेपालमा धेरै माग रहेको प्यारासिटामोलको अभाव हुन नदिन संघले बंगलादेशबाट आयात गर्न लागेको हो।</p>
<p style="text-align:justify">बंगलादेशबाट प्यारासिटामोल नेपाल आउन कम्तीमा एक महीना लाग्ने बताइएको छ।</p>
.jpg)
