.jpg)
.jpg)
गौरिफन्टा नाकाको हेल्थ डेस्कः एकजना स्वास्थ्यकर्मीकै भर
<p>कैलाली। गौरिफन्टा नाकामा आज नेपाल फर्कनेको भीडभाड थियो। जति संख्यामा नेपाली फर्किरहेका थिए, त्यति नै संख्यामा भारतीय पनि नेपाल प्रवेश गर्दै थिए।</p>
<p>कारण- कामको सिलसिलामा भारत पसेका नेपाली होली र नयाँ वर्ष मनाउन घर फर्किरहेका थिए भने भारतीयहरू धनगढी बजारमा किनमेलका लागि।</p>
<p>अहिले कोरोना भाइरसको संक्रमणको जोखिम बढेको भन्दै गौरिफन्टा नाकामा हेल्थ डेस्क राखिएको छ। नेपाल छिर्ने हरेकको हेल्थ डेस्कमा स्वास्थ्य जाँच गराउनुपर्छ।</p>
<p>तर, एकजना मात्रै स्वास्थ्यकर्मी हुँदा स्वास्थ्य जाँचमा समस्या भएको छ। कतिपय त ढिलो भएको भन्दै स्वास्थ्य जाँच नै नगरी नेपाल प्रवेशसमेत गरिरहेका छन्।</p>
<p style="text-align:center"><img alt="" height="560" src="https://www.dekhapadhi.com/storage/photos/shares/Social/Health desk gaurifanta (3).jpg" width="1200" /></p>
<p>स्वास्थ्य जाँच गरिरहेका स्वास्थ्यकर्मी दिनेश ठकुल्लाले एक्लै हुँदा नाकाबाट भित्रिने सबैको परीक्षण गर्न नसकिएको बताए।</p>
<p>भारतको दिल्लीबाट फर्किएका धनगढीका रमेश पन्तले हेल्थ डेस्कमा पर्याप्त मात्रामा जनशक्ति व्यवस्थापन गर्नुपर्ने बताए। उनले भारतमा पनि कोरोनाको संक्रमण देखिएका बेला सीमा नाकामा उच्च सतर्कता नअपनाएको प्रति चिन्ता व्यक्त गरे।</p>
<p>कैलालीका सहायक प्रमुख जिल्ला अधिकारी मोहनराज जोशी आवश्यकता हेरी जनशक्ति थप गरिने बताए। त्यसका लागि आफू सीमा क्षेत्रमा निरीक्षणका लागि जान लागेको बताए।</p>
प्रतिक्रिया दिनुहोस्
.jpg)
